اعتمدت الحكومة العراقية، إستراتيجية السوق، بديلا للإدارة المركزية، متناسية أن الاقتصاد العراقي قد بني على إدارة مركزية لا يمكن تغييرها بقفزة واحدة واللجوء إلى اقتصاد السوق، وإغفال الأسس السابقة التي كان عليها الاقتصاد العراقي، أن هذه الطفرة غير المحسوبة ستؤدي بلا ريب إلى انهيار كامل للاقتصاد الوطني، لأن التجارب المماثلة للدول التي مرت بنفس ظروف العراق، أدت إلى نتائج عكسية دفعت الكثير من الشعوب لرفض الواقع الجديد، والعودة إلى تفعيل دور القطاع العام في العملية الاقتصادية، والمعسكر الاشتراكي خير دليل على عمق ?لهوة التي أنحدر إليها المجتمع، عند بروز أشخاص لا يزيدون على عدد الأصابع يهيمنون على مقدرات البلاد الاقتصادية.
وتشير استطلاعات الرأي في تلك الدول إلى أن المطالبين بالعودة إلى النظام الأشتراكي62 بالمائة من مجموع السكان، لذلك نرجو من اللاهثين وراء الرأسمالية التأني في الوقت الحاضر، ودراسة الواقع دراسة متعمقة قبل الارتماء في مثلث برمودا، رغم علمي أن الواقفين وراء هذه النظرية هم وراء التردي الحاصل في الصناعة الوطنية وتدمير الإنتاج المحلي وإهمال معامل القطاع العام، حيث ينوي هؤلاء المتمرسون في السرقات الكبرى خصخصة تلك المعامل وشراءها بأبخس الأثمان، كي يتمكنوا من بناء كارتلاتهم التي تمتص دماء الملايين.
...... قاطعني سوادي الناطور (لا سوفه... ولا لوفه... ولا تظل تلف وتدور، السالفة مبينه مثل عين الشمس، العراقيين إذا شالت الحكومة أيدها عن البطاقة التموينية، والوقود والكهرباء والخدمات، وباعت المعامل والمنشآت على الروس الكبار، راح ما ترگانه عافيه طول أعمارنه، سووها خبصه علينه «صندوق النقد الدولي، ومنظمة التجارة، وما أدري شنهي، وهمه شافوا بعيونهم النتيجة من صعدوا سعر البنزين والنفط والغاز والكاز، وشصار بالسوگ، من صعدت الأسعار وخلت أبو الراتب يجدي گرصة الخبز، والوادم ردت على خبز الطابگ، وچماله يردون يلغون رواتب?المتقاعدين خاف يزعل صندوق الظلم الدولي، چا فلوس النفط المن تنطوها، تنطوها لأهل الصماخات الكبار حتى يشترون عمارات وقصور بأوربا وأمريكا، وأحنه نظل طول أعمارنه نشتغل صناع عدهم، ونرد على الأولية فلاح وملاچ، وتجار تلعب بلسوگ طنب، وهمه نايمين للضحى وأحنه نچد ونخلي بحلوگهم، وإذا ردنه نحچي يگولون»اليباوع ليفوگ تنكسر رگبته» « والدنية حظوظ واحد فوگ وألف حدر»وما أدري اليمته يظل سوادي وربعه جوه الحگه، والچانوا مربعين يظلون طول أعمارهم مفرفشين وعايشين بروس ولد الخايبات، والهم التمر وألنه النوه، والخير الهم والشر علينه، وأحنه نغني: هذي قسمتي من الله ونصيبي..!!
الوصفات الجاهزة
