شارك زميلنا العزيز الشاعر إسماعيل محمد إسماعيل في التظاهرات العراقية هذا اليوم الجمعة والتي خرجت في مدينة السماوة. والقى شاعرنا الكبير بيان لجنة التنسيق للتظاهرات، ثم القى ابياتا من شعره.
وقال الشاعر إسماعيل محمد إسماعيل
"فرحي اليوم أن كانت لي الفرصة للمشاركة في مظاهرات السماوة و قد أعلنت بدءها بقراءتي بيان لجنة التنسيق أمام المتجمهرين و كانت لي بعد البيان المساهمات التالية :"
يالمركب السياسه الدين واسمك بالفتن و الغل
وينك عن هتاف حسين الثار اعله الظلم و الذل ؟
أَحنه حسيننا الإصلاح ثوره اعله الفساد يظل
و حيدرنا العدل و السيف و بكفه الوزن يعدل
شلون تبايع حيدر
و انت البايك باسم الدين ؟
@@@@
عراق الإسمه ابو الثورات بالدم نفتديه و الروح
أول من بدا التاريخ و شيد للحضاره صروح
جبناه بالعذاب شموس و ليل اويه الحرامي يروح
شلون اويه الخراب يضيع وعطر اسمه بنخلنه يفوح
شلون يطيح البرحي
بحلك الواوي و يمه سباع ؟
@@@@
بيضتوا بشرعكم ليش وجه البعث المسخم
خليتوا الوطن تيزاب فاير بالهدم و الدم
و للفقرة الهضم و الموت و انتو الخير المنعم
و هاي كلوب المحبين ثوره و عالوطن تلتم
دور كلب الفاسد
تلكه البعثي و داعش بيه
@@@@
شعبنه. العود التاريخ يكتب قصته بدمه
و كبل ما الأنكليز تدوخ داخت بيه الجندرمه
عراقي و يا رهاة اسمه
بعدها العارضيه اوياه و رارنجيته تشيمه
و بعد بأرض النجف مهوال يدمي الكاع دك جدمه
والفاسد سياسي الدين باع الخوله و العمه
شلون تخون الفاله
و صيت الليره الوي شعلان ؟
---الأخيرة مقتطعة من قصيدة -----